Maxfiylik siyosati
Oxirgi yangilanish: 2026-yil 15-noyabr
Ushbu hujjat Pravali mobil ilovasi (iOS va Android) va pravali.uz saytiga tegishli. U qanday ma'lumot to'planishini, nima uchun kerakligini va uni qanday o'chirishni tushuntiradi.
Qisqacha: ilova reklama ko'rsatmaydi, ma'lumotlaringizni hech kimga sotmaydi va uchinchi tomon tahlil (analytics) tizimlaridan foydalanmaydi. To'planadigan ma'lumot faqat hisobingiz va o'quv natijalaringizni saqlash uchun kerak.
1. Qanday ma'lumot to'planadi
| Ma'lumot | Nima uchun | Majburiymi |
|---|---|---|
| E-pochta manzili | Hisobga kirish (bir martalik kod yuboriladi) | Ha, agar e-pochta bilan kirsangiz |
| Ism, familiya | Profilni ko'rsatish. Google, Apple yoki Telegram orqali kirsangiz shu xizmatdan keladi | Yo'q |
| Profil rasmi | Profilda ko'rsatish. Rasm serverda 512×512 o'lchamga keltirilib saqlanadi, EXIF (joylashuv va h.k.) olib tashlanadi | Yo'q |
| Jins, tug'ilgan yil, hudud, avtomaktab holati | Statistika va tavsiyalarni moslashtirish | Yo'q |
| Test natijalari, xatolar, saqlangan savollar | Progressni saqlash va qurilmalar orasida sinxronlash | Ha |
| Rang ko'rish testi natijasi | Faqat sizga ko'rsatish uchun; tibbiy xulosa emas | Yo'q |
| Premium xaridi: do'kon tranzaksiya raqami, mahsulot, sana | Xaridni tasdiqlash va tiklash. Karta ma'lumotlari bizga kelmaydi — to'lovni Apple yoki Google qabul qiladi | Faqat Premium sotib olsangiz |
| AI murabbiyga yozgan savollaringiz | Javob olish uchun AI provayderiga yuboriladi (pastda 4-bo'lim). Serverda saqlanmaydi | Faqat AI murabbiydan foydalansangiz |
Ilova joylashuvni, kontaktlarni va mikrofonni so'ramaydi. Kamera va rasmlar galereyasiga faqat siz profil rasmini qo'yishni tanlaganingizda, o'sha bitta rasm uchun ruxsat so'raladi. Boshqa fayllarni o'qimaydi.
2. Apple, Google va Telegram orqali kirish
Sign in with Apple, Google yoki Telegram bilan kirsangiz, biz o'sha xizmatdan faqat identifikator, e-pochta (agar berilsa) va ismni olamiz. Parolingizni hech qachon ko'rmaymiz. Apple «e-pochtani yashirish» funksiyasidan foydalansangiz, biz faqat Apple bergan taxallus manzilni ko'ramiz.
3. Ma'lumot qayerda saqlanadi
Savollar bazasi va sizning javoblaringiz telefonning o'zida saqlanadi — shuning uchun ilova internetsiz ishlaydi. Hisob va progress Germaniyadagi serverda (Hetzner) saqlanadi va faqat HTTPS orqali uzatiladi.
4. Kim ko'ra oladi
Hech kim. Ma'lumotlaringiz sotilmaydi, ijaraga berilmaydi va reklama tarmoqlariga uzatilmaydi. Ular faqat quyidagi hollarda uchinchi tomonga oshkor bo'lishi mumkin:
- O'zbekiston Respublikasi qonunchiligiga muvofiq rasmiy talab bo'lsa;
- xizmatni ishlatib turish uchun zarur bo'lgan infratuzilma provayderlari doirasida: server hosting (Hetzner), tarmoq himoyasi (Cloudflare), e-pochta yuborish;
- AI murabbiy: savolingiz matni va shu suhbatdagi oldingi xabarlar javob yaratish uchun OpenRouter orqali til modeliga yuboriladi. Ismingiz, e-pochtangiz yoki boshqa profil ma'lumoti yuborilmaydi — shuning uchun savolga shaxsiy ma'lumot yozmang;
- xaridlar: to'lovni Apple (App Store) yoki Google (Google Play) qabul qiladi va ularning o'z maxfiylik siyosatlari amal qiladi.
5. Qancha vaqt saqlanadi
Hisobingiz faol bo'lgan davrda. Hisobni o'chirsangiz, barcha ma'lumot — profil, natijalar, xatolar, saqlangan savollar — darhol va butunlay o'chiriladi. Zaxira nusxalardan 30 kun ichida chiqib ketadi. Premium xaridi yozuvi (tranzaksiya raqami, sana) buxgalteriya va xaridni tiklash uchun shaxsingizga bog'lanmagan holda saqlanib qoladi.
6. Hisobni o'chirish
Ilovada: Sozlamalar → Profil → Hisobni o'chirish. Tasdiqlash so'raladi, keyin hisob va unga bog'liq hamma narsa o'chiriladi. Bu amalni qaytarib bo'lmaydi.
Ilovaga kira olmasangiz, [email protected] ga yozing — 7 kun ichida o'chiramiz.
7. Sizning huquqlaringiz
- Ma'lumotlaringiz nusxasini so'rash;
- noto'g'ri ma'lumotni tuzatish (profil ilovada tahrirlanadi);
- o'chirishni talab qilish;
- rozilikni qaytarib olish — bu holda hisob o'chiriladi.
8. Bolalar
Ilova haydovchilik guvohnomasiga tayyorlanayotgan foydalanuvchilar uchun mo'ljallangan. Biz bilib turib 13 yoshgacha bo'lgan bolalardan ma'lumot to'plamaymiz.
9. O'zgarishlar
Siyosat o'zgarsa, ushbu sahifadagi sana yangilanadi. Muhim o'zgarishlar haqida ilova ichida xabar beramiz.
10. Aloqa
Savollar bo'lsa: [email protected] yoki Telegram: @pravaliuz